Trump New America Map વાયરલ: ડોનાલ્ડ ટ્રમ્પે કેનેડા, ગ્રીનલેન્ડ અને વેનેઝુએલાને USમાં બતાવતાં આંતરરાષ્ટ્રીય વિવાદ ઊભો થયો.
દુનિયાએ ફરી આંખો મસળી! ડોનાલ્ડ ટ્રમ્પે એક એવી તસવીર શેર કરી છે, જેણે વૈશ્વિક રાજકારણમાં ભૂકંપ લાવી દીધો છે. ‘નવો અમેરિકા’ નકશામાં કેનેડા, ગ્રીનલેન્ડ અને વેનેઝુએલા USનો ભાગ બતાવાતા હવે આંતરરાષ્ટ્રીય વિવાદ ભડકી ઉઠ્યો છે.
Trump New America Map: ફરી એકવાર દુનિયાને ચોંકાવતો દાવો, ટ્રમ્પે શેર કર્યો ‘નવો અમેરિકા’નો નકશો – કેનેડા, વેનેઝુએલા અને ગ્રીનલેન્ડ USમાં દર્શાવાયા
Trump New America Map News: અમેરિકાના રાષ્ટ્રપતિ Donald Trump ફરી એકવાર આંતરરાષ્ટ્રીય ચર્ચાના કેન્દ્રમાં આવી ગયા છે. ટ્રમ્પે પોતાના સોશિયલ મીડિયા પ્લેટફોર્મ Truth Social પર એક એવી તસવીર શેર કરી છે, જેણે વૈશ્વિક સ્તરે હલચલ મચાવી દીધી છે. આ તસવીરમાં અમેરિકાનો નકશો એવો દર્શાવવામાં આવ્યો છે કે જેમાં કેનેડા, વેનેઝુએલા અને ગ્રીનલેન્ડને અમેરિકાનો ભાગ બતાવવામાં આવ્યા છે.
આ પણ ખાસ વાંચો:
ટ્રમ્પે શેર કરેલી પોસ્ટમાં તેઓ ઓવલ ઓફિસમાં યુરોપિયન નેતાઓ સાથે બેઠક કરતા નજરે પડે છે અને તેમની પાછળ દેખાતા નકશામાં આ તમામ વિસ્તારો અમેરિકી ધ્વજના રંગોમાં આવરી લેવામાં આવ્યા છે. પોસ્ટ બહાર આવતા જ સોશિયલ મીડિયા પર આ નકશો ઝડપથી વાયરલ થઈ ગયો છે અને લોકોમાં ભારે ચર્ચા શરૂ થઈ ગઈ છે.
વિવાદ વધુ વધ્યો ત્યારે જ્યારે ટ્રમ્પે એક અલગ તસવીર શેર કરી, જેમાં Greenland ને ખુલ્લેઆમ યુએસ પ્રદેશ તરીકે દર્શાવાયું છે. ટ્રમ્પે ફરી દાવો કર્યો કે ગ્રીનલેન્ડને અમેરિકા સાથે જોડવું રાષ્ટ્રીય સુરક્ષા માટે અત્યંત જરૂરી છે. તેમણે ચેતવણી આપી હતી કે જો આ ડીલ ન થાય તો Denmark પર 1 ફેબ્રુઆરી 2026થી 10% અને 1 જૂનથી 25% સુધીના ટેરિફ લગાવવામાં આવશે. ટ્રમ્પના મતે ચીન અને રશિયાની નજર ગ્રીનલેન્ડ પર છે, તેથી અમેરિકાએ ત્યાં નિયંત્રણ સ્થાપિત કરવું જોઈએ.
આ વચ્ચે ટ્રમ્પની પોસ્ટ એવા સંજોગોમાં સામે આવી છે જ્યારે અમેરિકા તરફથી Venezuela ને લઈને કડક વલણ અપનાવવામાં આવ્યું હોવાનું કહેવામાં આવી રહ્યું છે. વ્હાઇટ હાઉસે દાવો કર્યો છે કે ત્યાં સુરક્ષિત સંક્રમણ સુધી અમેરિકાનું નિયંત્રણ રહેશે, જેનાથી લેટિન અમેરિકા અને યુરોપ બંનેમાં અસંતોષ વધી શકે છે.
ટ્રમ્પે અગાઉ Canada ને 51મું અમેરિકી રાજ્ય બનાવવાની વાત પણ કરી હતી, જેને કેનેડાની નેતાગીરીએ સખત શબ્દોમાં નકારી કાઢી હતી. હવે ‘નવો અમેરિકા’ નકશો સામે આવતા ફરી એકવાર યુરોપિયન દેશોમાં ગુસ્સો ફાટી નીકળે તેવી શક્યતા વ્યક્ત કરવામાં આવી રહી છે. ટ્રમ્પની આ વિવાદાસ્પદ પોસ્ટ માત્ર વાયરલ જ નથી થઈ, પરંતુ વૈશ્વિક રાજકારણમાં નવી ગરમી પણ ઉમેરી રહી છે.
