Gold Silver Price Today માં મોટો ફેરફાર. આજે ચાંદી ₹20,000 અને સોનાંમાં ₹5,000 સુધી ઉથલપાથલ. જાણો આજના લેટેસ્ટ ભાવ.
સોના અને ચાંદીના ભાવમાં આજે અચાનક મોટો ઝટકો જોવા મળ્યો છે. થોડા કલાકોમાં જ ચાંદીના ભાવમાં ₹20,000 અને સોનાના ભાવમાં ₹5,000ની ઉથલપાથલ થતા બજારમાં હલચલ મચી ગઈ છે. રોકાણકારોમાં હવે એક જ પ્રશ્ન છે કે આગળ ભાવ વધશે કે ઘટશે?
Gold Silver Price Today: સોના-ચાંદીમાં તેજી બાદ અચાનક મોટો કડાકો
સોના અને ચાંદીની કિંમતોમાં સતત વધારા બાદ આજે બજારમાં મોટો ઝટકો જોવા મળ્યો છે. ખાસ કરીને ચાંદીના ભાવમાં ભારે ઉથલપાથલ નોંધાઈ છે, જ્યારે સોનાના ભાવમાં પણ નોંધપાત્ર ઘટાડો આવ્યો છે. આજે ચાંદીનો ભાવ 3.25 લાખ રૂપિયાના ઊંચા સ્તર સુધી પહોંચ્યા બાદ ઘટીને 3.10 લાખ રૂપિયાની આસપાસ આવી ગયો છે. બીજી તરફ, સોનાનો ભાવ પણ 1.53 લાખ પરથી ઘટીને 1.51 લાખ રૂપિયાની સપાટીએ ટ્રેડ થઈ રહ્યો છે.
ચાંદીના ભાવમાં રૂ.20,000થી વધુની ભારે ઉથલપાથલ
આજના ટ્રેડિંગ દરમિયાન ચાંદીના ભાવમાં ભારે હલચલ જોવા મળી છે. સાંજના 5 વાગ્યા સુધીમાં ચાંદી 3,09,095 રૂપિયા પર ટ્રેડ થઈ રહી હતી. દિવસ દરમિયાન ચાંદીનો ઊંચો ભાવ 3,25,602 રૂપિયા રહ્યો હતો, જ્યારે નીચો ભાવ 3,05,449 રૂપિયા સુધી પહોંચી ગયો હતો. આ રીતે એક જ દિવસે ચાંદીના ભાવમાં લગભગ 20,153 રૂપિયાની ઉથલપાથલ નોંધાઈ છે. ગઈકાલે ચાંદી 3,18,492 રૂપિયા પર બંધ થઈ હતી.
આ પણ ખાસ વાંચો:
સોનાના ભાવમાં પણ રૂ.5,000 જેટલો મોટો ફેરફાર
સોનાના ભાવમાં પણ આજે નોંધપાત્ર ઉથલપાથલ જોવા મળી છે. સાંજના 5 વાગ્યા સુધીમાં સોનાનો ભાવ 1,51,566 રૂપિયા પર રહ્યો હતો. દિવસ દરમિયાન સોનાનો ઊંચો ભાવ 1,53,784 રૂપિયા અને નીચો ભાવ 1,48,777 રૂપિયા રહ્યો હતો. આ રીતે સોનાના ભાવમાં એક જ દિવસે લગભગ 5,007 રૂપિયાનો ફેરફાર નોંધાયો છે. ગઈકાલે સોનું 1,52,862 રૂપિયા પર બંધ થયું હતું.
સોના-ચાંદીના ભાવમાં ઘટાડાના કારણો
તાજેતરમાં સોના અને ચાંદીમાં આવેલી તેજી બાદ હવે નફો બુક કરવાની પ્રક્રિયા શરૂ થતા ભાવમાં દબાણ આવ્યું છે. સાથે જ શેરબજારમાં આવેલી તેજીના કારણે સુરક્ષિત રોકાણ તરીકે સોના-ચાંદીની માંગ ઘટી છે. વૈશ્વિક સ્તરે ભૌગોલિક રાજકીય તણાવમાં ઘટાડો થવાથી પણ કિંમતો પર અસર પડી છે.
ઊંચા ભાવે ખરીદનારા રોકાણકારો માટે શું કરવું?
નિષ્ણાતોના મતે, જે લોકો નવી ખરીદી કરવાની યોજના બનાવી રહ્યા છે તેમણે થોડો સમય રાહ જોવી યોગ્ય રહેશે, કારણ કે હજુ ભાવમાં વધુ ઉતાર-ચઢાવ જોવા મળી શકે છે. જ્યારે જેઓએ ઊંચા ભાવે ચાંદી ખરીદી છે તેમને ગભરાવાની જરૂર નથી અને લાંબા ગાળાના દૃષ્ટિકોણથી રોકાણ રાખવાની સલાહ આપવામાં આવી રહી છે.
વર્ષ 2025માં સોના-ચાંદીએ રોકાણકારોને આપ્યું મોટું વળતર
વર્ષ 2025 દરમિયાન સોનાના ભાવમાં અંદાજે 75 ટકાનો વધારો નોંધાયો છે. એક વર્ષમાં પ્રતિ 10 ગ્રામ 24 કેરેટ સોનું લગભગ 57,033 રૂપિયા મોંઘું થયું છે. 31 ડિસેમ્બર 2024ના રોજ સોનાનો ભાવ 76,162 રૂપિયા હતો, જે 31 ડિસેમ્બર 2025 સુધીમાં વધીને 1,33,195 રૂપિયા સુધી પહોંચી ગયો હતો.
ચાંદીના ભાવમાં તો આ સમયગાળા દરમિયાન આશરે 167 ટકાનો અભૂતપૂર્વ ઉછાળો જોવા મળ્યો છે. વર્ષ 2024ના અંતે એક કિલો ચાંદી 86,017 રૂપિયા હતી, જે વર્ષ 2025ના અંત સુધીમાં વધીને 2,30,420 રૂપિયાની સપાટીએ પહોંચી ગઈ છે.