8th Pay Commission 2026: પગારમાં કેટલો વધારો થશે? સમજો અહી સંપૂર્ણ ગણિત

8th Pay Commission 2026 હેઠળ કેન્દ્ર સરકારના કર્મચારીઓના પગારમાં કેટલો વધારો થશે? ફિટમેન્ટ ફેક્ટર, DA અને પેન્શનનું સંપૂર્ણ ગણિત અહીં સરળ ભાષામાં સમજો.

1 જાન્યુઆરીથી અમલમાં આવશે 8મો પગાર પંચ: પગાર, પેન્શન અને DAમાં મોટા ફેરફારની તૈયારી

કેન્દ્ર સરકારના કરોડો કર્મચારીઓ અને પેન્શનધારકો માટે મોટી ખુશખબર સામે આવી રહી છે. કેન્દ્ર કેબિનેટ દ્વારા મંજૂર કરાયેલ 8મો પગાર પંચ આગામી વર્ષથી અમલમાં આવવાનો છે. સરકારના અધિકૃત સંકેતો મુજબ 8મો પગાર પંચ 1 જાન્યુઆરી 2026થી લાગુ પડશે, જેના કારણે પગાર, પેન્શન, ભથ્થાં અને મહંગાઈ ભથ્થામાં (DA) મહત્વના ફેરફાર જોવા મળશે.

પ્રધાનમંત્રી નરેન્દ્ર મોદી ના નેતૃત્વ હેઠળ રચાયેલ આ પગાર પંચને લઈને હાલમાં કેન્દ્ર સરકારના કર્મચારીઓમાં પગાર વધારા અને ફિટમેન્ટ ફેક્ટર અંગે ભારે ચર્ચા ચાલી રહી છે.

પગાર અને પેન્શનમાં શું બદલાશે?

8મો પગાર પંચ સેવામાં રહેલા તેમજ નિવૃત્ત બંને પ્રકારના કેન્દ્ર સરકારના કર્મચારીઓ માટે લાગુ પડશે. પંચના અમલ સાથે:

• મૂળ પગારમાં વધારો
• પેન્શનમાં સુધારો
• વિવિધ ભથ્થાંમાં ફેરફાર
• મહંગાઈને ધ્યાનમાં રાખીને DAનું પુનઃમૂલ્યાંકન કરવામાં આવશે. ખાસ કરીને મોંઘવારીને સંતુલિત રાખવા માટે DAમાં યોગ્ય સુધારો કરવામાં આવશે.

શું પગારમાં તરત વધારો થશે?

• ઘણા કર્મચારીઓમાં પ્રશ્ન છે કે શું પગાર તાત્કાલિક વધશે?

આ અંગે સ્પષ્ટતા કરતાં કેન્દ્ર કેબિનેટે ઓક્ટોબર 2025માં જાહેર કરેલા નોટિફિકેશનમાં જણાવ્યું હતું કે પગાર પંચની ભલામણો 1 જાન્યુઆરી 2026થી અમલમાં આવવાની અપેક્ષા છે.

સરકારના જણાવ્યા અનુસાર, સામાન્ય રીતે દરેક 10 વર્ષે એક પગાર પંચ રચાય છે અને તે જ પરંપરા મુજબ 8મા પગાર પંચની અસર 2026થી જોવા મળશે.

આ પણ ખાસ વાંચો:

• ગુજરાત પોલીસ ભરતી 2025: અરજી રદ્દ, મર્જ અને કોલ લેટર અપડેટ
• Ahmedabad Flower Show 2026: અમદાવાદમાં નવા વર્ષની ભવ્ય શરૂઆત! રિવરફ્રન્ટ પર 1 જાન્યુઆરી 2026 થી ફ્લાવર શો, બુલેટ ટ્રેન અને ઓલિમ્પિક થીમ છવાશે
• Ahmedabad Flower Show 2025: ટિકિટમાં વધારો, પ્રાઇમ ટાઇમ સ્લોટ ₹500

પગારમાં કેટલો વધારો શક્ય?

હાલ સુધી સરકાર તરફથી પગાર વધારાની ટકાવારી અંગે સત્તાવાર આંકડા જાહેર કરવામાં આવ્યા નથી. જોકે, મીડિયા રિપોર્ટ્સ અનુસાર ફિટમેન્ટ ફેક્ટર આધારે કેન્દ્ર સરકારના કર્મચારીઓનો મૂળ પગારનું સંપૂર્ણ ગણિત અહીં સરળ ભાષામાં સમજો.

8મા પગાર પંચમાં ફિટમેન્ટ ફેક્ટર શું હોઈ શકે?

8મા પગાર પંચ માટે સંભવિત રીતે 2.13 ફિટમેન્ટ ફેક્ટર હોઈ શકે છે. નોંધનીય છે કે અગાઉના 7મા પગાર પંચમાં 2.57 ફિટમેન્ટ ફેક્ટર અમલમાં મૂકવામાં આવ્યો હતો, જેના આધારે પગારમાં મોટો વધારો જોવા મળ્યો હતો.

કેન્દ્ર સરકારના કર્મચારીઓના લેવલ કેવી રીતે વહેંચાયા છે?

કેન્દ્ર સરકારના કર્મચારીઓને કુલ 18 પગાર લેવલમાં વર્ગીકૃત કરવામાં આવ્યા છે.

• લેવલ 1માં ‘ગ્રુપ ડી’ના કર્મચારીઓનો સમાવેશ થાય છે, જે સૌથી નીચું પગાર સ્તર છે.
• જ્યારે લેવલ 18 સૌથી ઊંચું પગાર સ્તર છે, જેમાં કેબિનેટ સચિવનો સમાવેશ થાય છે.

લેવલ 1થી લેવલ 18 વચ્ચેના અન્ય 16 લેવલ એ, બી, સી અને ડી કેટેગરી હેઠળ આવે છે. હાલ 7મા પગાર પંચ અનુસાર લેવલ 1નો લઘુત્તમ મૂળ પગાર ₹18,000 છે, જ્યારે લેવલ 18નો મહત્તમ મૂળ પગાર ₹2,50,000 છે.

સંભવિત ફિટમેન્ટ ફેક્ટર પર શું આધાર છે?

All India NPS Employees Federationના રાષ્ટ્રીય અધ્યક્ષ મનજીત સિંહ પટેલના જણાવ્યા મુજબ, 8મા પગાર પંચ માટે 2.13 ફિટમેન્ટ ફેક્ટર સંભવિત માનવામાં આવી રહ્યો છે. આ અંદાજ લગાવતી વખતે હાલનું 58 ટકા મોંઘવારી ભથ્થું (DA), વાર્ષિક પગાર વધારો તેમજ 8મા પગાર પંચના અમલ સુધીમાં DAમાં થનારા સંભવિત વધારાને ધ્યાનમાં લેવામાં આવ્યો છે.

અલગ-અલગ ફિટમેન્ટ ફેક્ટર મુજબ પગારમાં કેટલો વધારો થઈ શકે?

જો સરકાર અલગ-અલગ ફિટમેન્ટ ફેક્ટર નક્કી કરે, તો પગારમાં વધારાની સંભાવનાઓ નીચે મુજબ હોઈ શકે છે:

🔹 ફિટમેન્ટ ફેક્ટર 1.92 મુજબ
આ સ્થિતિમાં લેવલ 1નો મૂળ પગાર વધીને ₹34,560 થઈ શકે છે, જ્યારે લેવલ 18નો પગાર ₹4,80,000 સુધી પહોંચી શકે છે.

🔹 ફિટમેન્ટ ફેક્ટર 2.15 મુજબ
હવે જો 2.15 ફિટમેન્ટ ફેક્ટર લાગુ કરવામાં આવે, તો લેવલ 1ના કર્મચારીનો પગાર ₹38,700 થઈ શકે છે અને લેવલ 18નો પગાર ₹5,37,500 સુધી પહોંચી શકે છે.

🔹 ફિટમેન્ટ ફેક્ટર 2.57 મુજબ
કદાચ 7મા પગાર પંચ જેટલું જ ફિટમેન્ટ ફેક્ટર રાખવામાં આવે, તો લેવલ 1નો મૂળ પગાર વધીને ₹46,260 થઈ શકે છે, જ્યારે લેવલ 18નો પગાર ₹6,42,500 સુધી પહોંચવાની શક્યતા છે.

8મો પગાર પંચ: ફિટમેન્ટ ફેક્ટર અને પગાર વધારાનો સારાંશ

અલગ-અલગ ફિટમેન્ટ ફેક્ટર મુજબ સંભવિત પગાર

8મો પગાર પંચ 2026 કેન્દ્ર સરકારના કર્મચારીઓ અને પેન્શનધારકો માટે મહત્વપૂર્ણ આર્થિક ફેરફારો લાવવાની તૈયારીમાં છે. ફિટમેન્ટ ફેક્ટર, DA અને પગાર લેવલ આધારે થનારા સંભવિત વધારા કર્મચારીઓની આવક પર સીધી અસર કરશે.

હાલ અહી રજૂ થયેલા આંકડા વિવિધ અંદાજો અને ઉપલબ્ધ માહિતી પર આધારિત છે, જ્યારે સરકાર તરફથી સત્તાવાર ભલામણો જાહેર થયા બાદ અંતિમ ગણતરી સ્પષ્ટ થશે.

પગાર પંચ સંબંધિત દરેક નવા અપડેટ, સત્તાવાર જાહેરાત અને ચોક્કસ માહિતી માટે અમારી વેબસાઇટ સાથે જોડાયેલા રહો, જેથી તમને વિશ્વસનીય અને સમયસર સમાચાર મળતા રહે.