Mother of All Deals: ભારત–યુરોપ વચ્ચે ઈતિહાસનો સૌથી મોટો ફ્રી ટ્રેડ એગ્રીમેન્ટ ફાઈનલ થતાં કાર, દવાઓ, મેડિકલ સાધનો અને યુરોપિયન પ્રોડક્ટ્સ સસ્તા બનવાના, વેપાર અને રોકાણમાં મોટો ઉછાળો શક્ય.
ભારત અને યુરોપિયન યુનિયન વચ્ચે લગભગ 18 વર્ષથી ચાલતી વાટાઘાટો હવે ઐતિહાસિક મુકામે પહોંચી છે. નવી દિલ્હીમાં આયોજિત શિખર બેઠકમાં વડાપ્રધાન નરેન્દ્ર મોદી અને યુરોપિયન યુનિયનના ટોચના નેતાઓએ વિશ્વના સૌથી મોટા ફ્રી ટ્રેડ એગ્રીમેન્ટને અંતિમ સ્વીકૃતિ આપી. આ ડીલને યુરોપે નામ આપ્યું છે — “Mother of All Deals”, કારણ કે આ સમજૂતી દુનિયાની લગભગ 25% GDP આવરી લે છે.
EU પ્રેસિડેન્ટ ઉર્સુલા વોન ડેર લેયેન અને યુરોપિયન કાઉન્સિલ પ્રેસિડેન્ટ એન્ટોનિયો કોસ્ટા ભારત મુલાકાતે આવ્યા હતા અને પ્રજાસત્તાક દિવસ બાદ આ ઐતિહાસિક સમજૂતી પર મહોર લાગી.
Mother of All Deals કાર માર્કેટમાં સૌથી મોટો ફેરફાર
ભારતમાં યુરોપિયન કાર પર હાલ લગભગ 70% સુધી ટેક્સ વસૂલાતો હતો. આ ડીલ બાદ તેને તબક્કાવાર ઘટાડીને માત્ર 10% સુધી લાવવામાં આવશે. ટ્રાન્ઝિશન પીરિયડ દરમિયાન દર વર્ષે લગભગ 2.5 લાખ વાહનોના ક્વોટાની મર્યાદા રહેશે.
આનો સીધો ફાયદો લક્ઝરી કાર બજારમાં જોવા મળશે. BMW, Mercedes, Audi જેવી કારોના ભાવમાં નોંધપાત્ર ઘટાડો શક્ય છે.
હેલ્થકેર સેક્ટરમાં મોટો ગેમચેન્જર
- આ ડીલ હેલ્થ અને મેડિકલ સેક્ટર માટે ક્રાંતિકારી સાબિત થઈ શકે છે.
- મેડિકલ અને સર્જીકલ ઉપકરણોમાં 90% પ્રોડક્ટ્સ પર ટેક્સ નહીં લેવાય.
- યુરોપથી આવતી દવાઓ પર લાગતો 44% સુધીનો ટેક્સ હટાવવામાં આવશે.
- હાઈ-ટેક મશીનરી અને કેમિકલ્સ પર પણ ટેરિફમાં મોટો ઘટાડો થશે.
આથી હોસ્પિટલ સાધનો સસ્તા બનશે અને આધુનિક ટેકનોલોજી સુધી પહોંચ સરળ થશે.
આ પણ ખાસ વાંચો:
વાઈન, બિયર અને પ્રીમિયમ પ્રોડક્ટ્સ સસ્તા
- યુરોપિયન ફૂડ અને બેવરેજ સેક્ટર પણ અસરગ્રસ્ત રહેશે.
- વાઈન પરનો ટેક્સ 150%માંથી ઘટીને 20–30%
- બિયર પર 110%માંથી ઘટીને 50%
- સ્પિરિટ્સ પર લગભગ 40%
- ઓલિવ ઓઈલ અને ફ્રૂટ જ્યુસ પર પણ ટેક્સમાં મોટી રાહત
આથી ભારતીય પ્રીમિયમ માર્કેટમાં સ્પર્ધા વધશે.
એવિયેશન અને ગ્રીન એનર્જીમાં સહકાર
- એરક્રાફ્ટ અને સ્પેસક્રાફ્ટ સેક્ટરમાં લગભગ તમામ ટેરિફ દૂર થશે. ભારતના એવિયેશન ઉદ્યોગ માટે આ મોટો બૂસ્ટ છે.
- યુરોપ આગામી બે વર્ષમાં કાર્બન ઉત્સર્જન ઘટાડવા માટે ભારતને 500 મિલિયન યુરોની મદદ કરશે. ગ્રીન ટેક અને ક્લીન એનર્જીમાં ટેકનિકલ સહકાર મળશે.
ફાઇનાન્શિયલ અને સર્વિસ સેક્ટરમાં તક
યુરોપની ફાઈનાન્શિયલ કંપનીઓમાં ભારતીયોને સરળ એન્ટ્રી મળશે. મેરિટાઈમ, બેન્કિંગ અને શિપિંગ સેવાઓ સસ્તી બનશે. આથી સર્વિસ સેક્ટરમાં વેપાર વધવાની સંભાવના છે.
ભારતીય નિકાસકારો માટે સુવર્ણ તક
યુરોપના 27 દેશો અને લગભગ 45 કરોડ લોકોના બજારમાં ભારતીય કંપનીઓને સીધી પહોંચ મળશે. ટેક્સટાઈલ, ફાર્મા, જ્વેલરી, પેટ્રોલિયમ પ્રોડક્ટ્સ, ઇલેક્ટ્રોનિક્સ નિકાસમાં વધારો શક્ય છે.
2032 સુધી ભારત–યુરોપ વેપાર બમણો કરવાનો લક્ષ્યાંક નક્કી થયો છે.
PM મોદીએ શું કહ્યું?
સંયુક્ત પત્રકાર પરિષદમાં PM મોદીએ કહ્યું કે વિશ્વની બે મોટી લોકશાહી શક્તિઓએ આજે નવો અધ્યાય શરૂ કર્યો છે. આ એગ્રીમેન્ટ વૈશ્વિક સ્થિરતા અને આર્થિક મજબૂતી માટે મહત્વપૂર્ણ છે.
આમ જનતા માટે શું બદલાશે?
આયાતી કાર, મેડિકલ સાધનો, વાઈન અને યુરોપિયન પ્રોડક્ટ્સ સસ્તા થશે. ઉદ્યોગોને નિકાસની નવી તક મળશે. વિદેશી રોકાણ અને રોજગારી વધશે. સપ્લાય ચેઈન મજબૂત બનતાં ચીન પરની નિર્ભરતા ધીમે ધીમે ઘટી શકે છે.
