Gujarat CCE 2026: Class-3 Combined Exam Rules અમલમાં, ભરતી પ્રક્રિયામાં મોટા ફેરફાર અને નવી પરીક્ષા પદ્ધતિ અંગે સંપૂર્ણ માહિતી.

ગુજરાત સરકારનો મોટો નિર્ણય: Class-3 ભરતી માટે નવા Combined Competitive Examination Rules 2026 લાગુ, પરીક્ષા પદ્ધતિમાં વ્યાપક ફેરફાર

ગુજરાત રાજ્ય સરકાર દ્વારા Class-3 (Group-A અને Group-B) કેડરની ભરતી પ્રક્રિયામાં ઐતિહાસિક અને વ્યાપક સુધારા લાવતા નવા Combined Competitive Examination Rules-2026 જાહેર કરવામાં આવ્યા છે. સામાન્ય વહીવટ વિભાગ દ્વારા 22 જાન્યુઆરી 2026ના રોજ ગુજરાત સરકારના અધિકૃત ગેઝેટમાં પ્રકાશિત આ નિયમો અમલમાં આવતા જ અગાઉના વર્ષ 2023ના તમામ ભરતી નિયમોને સંપૂર્ણપણે રદ કરવામાં આવ્યા છે.

નવા નિયમો અનુસાર હવે રાજ્ય સરકારની વિવિધ કચેરીઓમાં આવતી Class-3 જગ્યાઓ માટે અલગ-અલગ પરીક્ષાઓ લેવામાં નહીં આવે, પરંતુ એક જ સંયુક્ત સ્પર્ધાત્મક પરીક્ષા (Combined Competitive Examination) દ્વારા ભરતી કરવામાં આવશે. સરકારના આ નિર્ણયથી ભરતી પ્રક્રિયામાં પારદર્શિતા, ઝડપ અને એકરૂપતા આવશે તેમજ ઉમેદવારોને તૈયારીમાં પણ સરળતા મળશે.

કયા પદો માટે લાગુ પડશે નવા નિયમો?

નવા Combined Competitive Examination Rules-2026 રાજ્ય સરકારની અનેક મહત્વપૂર્ણ Class-3 જગ્યાઓ માટે લાગુ પડશે. તેમાં મુખ્યત્વે Office Assistant, Senior Clerk, Head Clerk, Junior Clerk, Office Superintendent, Sub-Registrar Grade-1 અને Grade-2, Inspector of Stamps, Social Welfare Inspector, Assistant Social Welfare Officer, Assistant Tribal Development Officer, Prant Yuva Vikas Adhikari, Janasampark Adhikari, Auditor Group-I સહિત કુલ 27 જેટલા Group-A પદોનો સમાવેશ થાય છે.

આ ઉપરાંત Group-B હેઠળ Junior Clerk (રાજ્ય સરકારની તમામ કચેરીઓમાં) માટે અલગથી સંયુક્ત પરીક્ષા લેવામાં આવશે. આ રીતે રાજ્ય સરકારની મોટાભાગની Class-3 ભરતી પ્રક્રિયા હવે એક જ માળખા હેઠળ લાવવામાં આવી છે.

દર વર્ષે ખાલી જગ્યાની માંગણી કેવી રીતે થશે?

નિયમોમાં સ્પષ્ટ રીતે જણાવાયું છે કે દર વર્ષે રાજ્ય સરકારના તમામ વિભાગો પોતાની જરૂરિયાત મુજબ Class-3 જગ્યાઓની માહિતી સચિવાલય વિભાગને મોકલશે. ત્યારબાદ સંબંધિત વિભાગો દ્વારા સંકલિત માંગણી ગુજરાત ગૌણ સેવા પસંદગી મંડળ (GSSSB)ને મોકલવામાં આવશે.

આ પણ ખાસ વાંચો:

• 10-12ની માર્કશીટ ખોવાઈ ગઈ? ચિંતા નહીં! GSEB SSC HSC Duplicate Marksheet માટે શરૂ થઈ ઓનલાઈન સેવા
• BMI Calculator Gujarati: તમારી ઉંચાઈ પ્રમાણે વજન કેટલું હોવું જોઈએ?
• Age Calculator Online – જન્મ તારીખ પરથી ઉંમર ગણો વર્ષ, મહિના અને દિવસ મુજબ

જિલ્લા કલેક્ટર કચેરી હેઠળના Junior Clerk પદો માટે જિલ્લા કલેક્ટરો દ્વારા રેવન્યુ વિભાગને માંગણી મોકલવામાં આવશે અને ત્યારબાદ રેવન્યુ વિભાગ સંયુક્ત રિક્વિઝિશન GSSSBને પાઠવશે. આ વ્યવસ્થા ભરતી પ્રક્રિયાને વધુ સુવ્યવસ્થિત બનાવશે.

બે તબક્કાની પરીક્ષા પદ્ધતિ

નવા નિયમો મુજબ ભરતી પરીક્ષા બે તબક્કામાં યોજાશે – પ્રાથમિક પરીક્ષા અને મુખ્ય પરીક્ષા.

1) પ્રાથમિક પરીક્ષા (Preliminary Examination)

પ્રાથમિક પરીક્ષા Objective પ્રકારની (MCQ) રહેશે અને કુલ 150 ગુણની હશે. આ પરીક્ષા માત્ર સ્ક્રીનિંગ ટેસ્ટ તરીકે લેવામાં આવશે અને તેના ગુણ અંતિમ મેરિટ યાદીમાં ગણવામાં આવશે નહીં.

પ્રાથમિક પરીક્ષામાં નીચેના વિષયો સામેલ રહેશે:

• ગુજરાતી – 15 ગુણ
• અંગ્રેજી – 15 ગુણ
• જનરલ અવેરનેસ અને કરંટ અફેર્સ – 30 ગુણ
• ક્વાન્ટિટેટિવ એપ્ટિટ્યુડ – 30 ગુણ
• રિઝનિંગ – 60 ગુણ

પ્રત્યેક પ્રશ્ન 1 ગુણનો રહેશે અને 0.25 નેગેટિવ માર્કિંગ લાગુ રહેશે. ખાલી છોડેલા પ્રશ્ન માટે પણ નેગેટિવ માર્કિંગની જોગવાઈ રાખવામાં આવી છે.

પ્રાથમિક પરીક્ષાના આધારે કુલ ખાલી જગ્યાઓના આશરે 7 ગણાં ઉમેદવારોને મુખ્ય પરીક્ષા માટે પસંદ કરવામાં આવશે.

2) મુખ્ય પરીક્ષા (Main Examination)

મુખ્ય પરીક્ષા Group-A અને Group-B માટે અલગ-અલગ પદ્ધતિથી લેવામાં આવશે.

Group-A માટે:
મુખ્ય પરીક્ષા વર્ણનાત્મક (Descriptive) રહેશે અને કુલ 350 ગુણની હશે. તેમાં ત્રણ પેપર રહેશે:

• ગુજરાતી ભાષા કુશળતા – 100 ગુણ
• અંગ્રેજી ભાષા કુશળતા – 100 ગુણ
• સામાન્ય અભ્યાસ (General Studies) – 150 ગુણ

આ પરીક્ષામાં ઉમેદવારની ભાષાકીય સમજ, વિશ્લેષણાત્મક ક્ષમતા, સામાજિક-રાજકીય જ્ઞાન અને લેખન કુશળતાનું મૂલ્યાંકન કરવામાં આવશે.

Group-B માટે:
મુખ્ય પરીક્ષા Objective પ્રકારની રહેશે અને કુલ 200 ગુણની હશે. તેમાં ભારતીય બંધારણ, ભારતીય તથા રાજ્ય અર્થવ્યવસ્થા, જાહેર વહીવટ અને ગવર્નન્સ, સરકારી યોજનાઓ, કરંટ અફેર્સ, ગુજરાતનો ઇતિહાસ-ભૂગોળ, સાંસ્કૃતિક વારસો, વિજ્ઞાન, પર્યાવરણ અને માહિતી ટેક્નોલોજી જેવા વિષયો આવરી લેવાશે.

Important Links – Gujarat CCE 2026 Official Notification

દસ્તાવેજ ચકાસણી અને પસંદગી પ્રક્રિયા

મુખ્ય પરીક્ષા બાદ Group-A અને Group-B માટે અલગ-અલગ મેરિટ યાદી તૈયાર કરવામાં આવશે. ત્યારબાદ કુલ ખાલી જગ્યાઓના 2 ગણાં ઉમેદવારોને Document Verification માટે બોલાવવામાં આવશે.

આ તબક્કે ઉમેદવારે પોતાની શૈક્ષણિક લાયકાત, વય, કેટેગરી, ઓળખ અને અન્ય જરૂરી દસ્તાવેજો રજૂ કરવાના રહેશે. દસ્તાવેજ ચકાસણી પૂર્ણ થયા બાદ અંતિમ પસંદગી યાદી જાહેર કરવામાં આવશે.

વય મર્યાદા અને લાયકાત

પરીક્ષામાં ભાગ લેવા માટે ઉમેદવારની ન્યૂનતમ વય 20 વર્ષ હોવી ફરજિયાત છે. મહત્તમ વય મર્યાદા સંબંધિત ભરતી નિયમો અનુસાર રહેશે. આરક્ષિત વર્ગોને રાજ્ય સરકારના નિયમો મુજબ વય મર્યાદામાં છૂટછાટ મળશે.

શૈક્ષણિક લાયકાત પણ સંબંધિત પદ માટેના ભરતી નિયમો અનુસાર જ માન્ય ગણાશે.

પરીક્ષા માધ્યમ અને દિવ્યાંગ ઉમેદવારો માટે સુવિધા

પ્રાથમિક અને મુખ્ય બંને પરીક્ષાનું માધ્યમ ગુજરાતી અથવા અંગ્રેજી રહેશે. દિવ્યાંગ ઉમેદવારોને નિયમ મુજબ વધારાનો સમય અને સ્ક્રાઇબની સુવિધા આપવામાં આવશે.

કડક પરીક્ષા નિયમો

પરીક્ષા દરમિયાન મોબાઇલ ફોન, સ્માર્ટવૉચ, કેલ્ક્યુલેટર, ટેબ્લેટ, પેજર અથવા કોઈપણ ઇલેક્ટ્રોનિક ઉપકરણ પર સંપૂર્ણ પ્રતિબંધ રહેશે. નકલ, ખોટા દસ્તાવેજ, ગેરરીતિ અથવા દુર્વ્યવહાર બદલ ઉમેદવારને કાયમી પ્રતિબંધ સહિત કડક કાર્યવાહી કરવાની જોગવાઈ કરવામાં આવી છે.

Waiting List નહીં બને – મોટી બદલાવ

નવા નિયમોની સૌથી મહત્વપૂર્ણ બાબત એ છે કે કોઈપણ Waiting List તૈયાર કરવામાં આવશે નહીં. જો પસંદગી બાદ કેટલીક જગ્યાઓ ખાલી રહેશે તો તે જગ્યાઓ આગામી ભરતી પ્રક્રિયામાં સામેલ કરવામાં આવશે. આથી ભરતી પ્રક્રિયામાં પારદર્શિતા અને સમયબદ્ધતા વધશે.

30 દિવસમાં ફરજ સંભાળવી ફરજિયાત

પસંદ થયેલા ઉમેદવારને નિમણૂક પત્ર મળ્યા બાદ 30 દિવસની અંદર ફરજ સંભાળવી ફરજિયાત રહેશે. જો ઉમેદવાર આ સમયમર્યાદામાં જોડાશે નહીં તો તેની નિમણૂક રદ કરી શકાય છે, જો કે યોગ્ય કારણ દર્શાવ્યે સત્તાધિકારી છૂટછાટ આપી શકે છે.

2023ના નિયમો રદ, 2026થી નવો અમલ

નવા Combined Competitive Examination Rules-2026 અમલમાં આવતા 2023ના જૂના નિયમો સંપૂર્ણપણે રદ કરવામાં આવ્યા છે. જોકે અગાઉ શરૂ થયેલી ભરતી પ્રક્રિયા પૂર્ણ ન થાય ત્યાં સુધી જૂના નિયમો લાગુ રહેશે.

ગુજરાત સરકારનો આ નિર્ણય Class-3 ભરતી પ્રક્રિયામાં મોટો સુધારક પગલું માનવામાં આવી રહ્યો છે. એક જ સંયુક્ત પરીક્ષા થવાથી ઉમેદવારો માટે તૈયારી સરળ બનશે, પરીક્ષાની પારદર્શિતા વધશે અને ભરતી પ્રક્રિયામાં સમય બચશે. આગામી સમયમાં આ સિસ્ટમ રાજ્ય સરકારની ભરતી પ્રક્રિયાને વધુ ઝડપી અને વિશ્વસનીય બનાવશે.