Gandhinagar Green School Award 2025 હેઠળ જીવરાજના મુવાડા પ્રાથમિક શાળાને રાષ્ટ્રીય સ્તરે ‘ગ્રીન સ્કૂલ એવોર્ડ’ મળ્યો. 1200થી વધુ વૃક્ષો, 11 ગ્રીન પ્રોજેક્ટ અને પર્યાવરણ સંરક્ષણમાં અનોખું યોગદાન.
મુખ્યમંત્રી ભૂપેન્દ્ર પટેલ ના માર્ગદર્શન હેઠળ ગાંધીનગર જિલ્લાના દહેગામ તાલુકાના જીવરાજના મુવાડા ગામની સરકારી પ્રાથમિક શાળાએ શિક્ષણ સાથે પર્યાવરણ સંરક્ષણમાં અનોખું કાર્ય કરીને રાજ્યનું ગૌરવ વધાર્યું છે. આ શાળાએ રાષ્ટ્રીય સ્તરે પોતાની આગવી ઓળખ ઉભી કરી છે.
મુંબઈ ખાતે આયોજિત ‘ગ્રીન યોર સ્કૂલ પ્રોગ્રામ’ અંતર્ગત Indian Green Building Council દ્વારા જીવરાજના મુવાડા પ્રાથમિક શાળાને વર્ષ 2025નો પ્રતિષ્ઠિત ‘ગ્રીન સ્કૂલ એવોર્ડ’ આપવામાં આવ્યો છે. અંદાજે 1,200થી વધુ વૃક્ષોથી ઘેરાયેલી આ શાળાને પર્યાવરણલક્ષી 11 નવીન વિચારો અને પ્રોજેક્ટ્સના અમલ માટે રૂ. 3 લાખનું પ્રોત્સાહક ઇનામ પણ આપવામાં આવ્યું છે.
મહત્વની માહિતી
| માહિતી | વિગત |
|---|---|
| શાળાનું નામ | જીવરાજના મુવાડા સરકારી પ્રાથમિક શાળા |
| જિલ્લો / તાલુકો | ગાંધીનગર જિલ્લો / દહેગામ તાલુકો |
| રાજ્ય | ગુજરાત |
| રાષ્ટ્રીય પુરસ્કાર | ગ્રીન સ્કૂલ એવોર્ડ – 2025 |
| પુરસ્કાર આપનાર સંસ્થા | Indian Green Building Council |
| કાર્યક્રમનું નામ | Green Your School Program |
| કાર્યક્રમનું સ્થળ | જિયો વર્લ્ડ કન્વેન્શન સેન્ટર, મુંબઈ |
| કાર્યક્રમનો મહિનો | નવેમ્બર 2025 |
| ભાગ લેનાર શાળાઓ | દેશભરમાંથી 720 શાળાઓ |
| ગુજરાત તરફથી પસંદગી | ટોપ 3 રાજ્યોમાં સ્થાન |
| શાળામાં વૃક્ષોની સંખ્યા | અંદાજે 1,200થી વધુ |
| પ્રોત્સાહક ઇનામ | ₹3 લાખ |
| રજૂ કરાયેલા ગ્રીન આઇડિયા | કુલ 11 |
| પ્રેઝન્ટેશન તારીખ | 26 નવેમ્બર 2025 |
| પ્રેઝન્ટેશન સ્થળ | ઇન્ડિયન ઇન્સ્ટિટ્યુશન, મુંબઈ |
| વિદ્યાર્થી પ્રતિનિધિઓ | મીત ઠાકોર, યામી ઠાકોર, જીગ્નેશ ઝાલા |
| શાળાના આચાર્ય | બિપીન ગોસ્વામી |
| વિશેષ પહેલ | પ્લાસ્ટિક ફ્રી સ્કૂલ, ગ્રીન કેમ્પસ |
| રાજ્ય સ્તરનો એવોર્ડ | ક્લાઈમેટ ચેન્જ એવોર્ડ – 2024 |
નવેમ્બર 2025 દરમિયાન મુંબઈના જિયો વર્લ્ડ કન્વેન્શન સેન્ટરમાં યોજાયેલા ગ્રીન બિલ્ડિંગ કોંગ્રેસનું આયોજન ન્યુ એન્ડ રીન્યુએબલ એનર્જી મંત્રાલય, હાઉસિંગ એન્ડ અર્બન અફેર્સ મંત્રાલય, વર્લ્ડ ગ્રીન બિલ્ડિંગ કાઉન્સિલ, કન્ફેડરેશન ઓફ ઇન્ડિયન ઇન્ડસ્ટ્રી અને ઇન્ડિયન ગ્રીન બિલ્ડિંગ કાઉન્સિલના સંયુક્ત ઉપક્રમે કરવામાં આવ્યું હતું. આ કાર્યક્રમ અંતર્ગત દર વર્ષે દેશભરની શાળાઓ પાસેથી નોંધણી મંગાવવામાં આવે છે, જેમાં આ વર્ષે દેશભરની 720 શાળાઓએ ભાગ લીધો હતો. અંતે પ્રથમ ત્રણ સ્થાનો માટે ગુજરાત, અરુણાચલ પ્રદેશ અને પાંડેચેરીની શાળાઓની પસંદગી કરવામાં આવી હતી.
આ પણ ખાસ વાંચો:
- Gujarat Kidney and Super Speciality IPO: જાણો GMP સહિત સંપૂર્ણ માહિતી
- SEB TET-1 Question Paper 2025: TET-I પ્રશ્નપત્ર અહીંથી ડાઉનલોડ કરો
- Uttam Dairy Recruitment 2025: ઉત્તમ ડેરીમાં વોક-ઇન ઇન્ટરવ્યુ દ્વારા ભરતી, પગાર ₹40,000 સુધી
26 નવેમ્બર 2025ના રોજ મુંબઈની ઇન્ડિયન ઇન્સ્ટિટ્યુશનમાં યોજાયેલી જ્યુરી સમક્ષ પ્રેઝન્ટેશનમાં જીવરાજના મુવાડા પ્રાથમિક શાળાના વિદ્યાર્થીઓ મીત ઠાકોર, યામી ઠાકોર અને જીગ્નેશ ઝાલાએ શાળામાં અમલમાં રહેલા તથા ભાવિ ગ્રીન પ્રોજેક્ટ્સ અંગે પ્રભાવશાળી રજૂઆત કરી હતી. આ પ્રેઝન્ટેશન શાળાના આચાર્ય બિપીન ગોસ્વામી, શિક્ષકો અને સમગ્ર શિક્ષણ વિભાગના માર્ગદર્શન હેઠળ તૈયાર કરવામાં આવ્યું હતું.
ગ્રીન સ્કૂલ એવોર્ડ માટે શાળાએ કુલ 11 નવીન આઇડિયાઓ રજૂ કર્યા હતા, જેમાં હોમમેડ જીવામૃત, પેપર રિસાયકલિંગ, મૂડ પેઇન્ટિંગ, માટીના પોર્ટેબલ એસી મોડલ, પોર્ટેબલ બાયોગેસ પ્લાન્ટ, પ્લાસ્ટિક ફ્રી સ્કૂલ અભિયાન, સ્માર્ટ એનર્જી ઓડિટ, ગ્રે વોટર સિસ્ટમ, સોલર વોટર પંપ, ‘નેકી કી દીવાલ’ અને રેડ બુક ડેટા જેવા પ્રોજેક્ટ્સનો સમાવેશ થાય છે, જેનો અમલ આગામી સમયમાં કરવામાં આવશે.
શાળામાં ઊર્જા બચત, પાણી સંરક્ષણ અને વેસ્ટ મેનેજમેન્ટ માટે સતત પ્રયાસો ચાલી રહ્યા છે. ‘પ્લાસ્ટિક ફ્રી સ્કૂલ, પ્લાસ્ટિક ફ્રી વિલેજ’ અભિયાન અંતર્ગત આ શાળાને વર્ષ 2024માં રાજ્ય સરકાર દ્વારા ક્લાઈમેટ ચેન્જ એવોર્ડ પણ આપવામાં આવ્યો હતો. અહીં બાળકો ચોકલેટની જગ્યાએ નાનો છોડ ભેટ આપે છે અને શાળા છોડે ત્યાં સુધી તેનું જતન પણ પોતે કરે છે.
આ ઉપરાંત, શાળામાં વેસ્ટ સામગ્રીમાંથી ફાઈટર પ્લેન, સેટેલાઈટ, પવનચક્કી, પૃથ્વીનો ગોળો અને હાઈડ્રોપોનિક સિસ્ટમ જેવા મોડેલ તૈયાર કરવામાં આવ્યા છે. બટરફ્લાય ગાર્ડન અને કિચન ગાર્ડન જેવી સર્જનાત્મક પ્રવૃત્તિઓ દ્વારા આ શાળાના નાના વિદ્યાર્થીઓએ સાબિત કર્યું છે કે શિક્ષણ સાથે પર્યાવરણનું જતન પણ સમાન મહત્વ ધરાવે છે.
